أحدث المواضيع

"فرح أحمد" تغني .. أحلام بريئة

9:12 م اضف تعليق


"فرح أحمد"، طالبة بالفرقة الأولى كلية الأداب، إحدى مواهب أسرة عز الشباب، تتميز بصوت رائع، فازت مع فريق كورال أداب  بالمركز الأول على مستوى جامعة حلوان.

اسمعوها من هنا..


قصة "يوم لا ينسى" الجزء الأول

7:34 ص اضف تعليق


بقلم: ياسمين أحمد تبدأ قصتنا عندما كان الأصدقاء (ياسمين , نورهان , شروق , أحمد , خالد , شهاب ) يفكرون فى قضاء يوم لا ينسي بمناسبة انتهاء السنة الأولى من الجامعة و كانوا يتحدثون سويا وهم جالسون فى احدى الكافيهات القريبة من قصر البارون :
ياسمين :" ايه رأيكوا يا جدعان نروح قصر البارون ؟؟ "
أحمد : "يا سلام ! هو ده المكان التحفة اللى عايزانا نروحه ؟! "
ياسمين : " ومنروحش ليه ان شاء الله !! ولا انت فاكره مفيهوش حاجة ! ده مسكون يابنى "
شروق : "انتى بتتكلمى جد يا ياسمين ؟!! "
ياسمين : ايوة طبعا يابنتى انا قريت انه حصل فيه احداث كتييير مرعبة ولغاية وقت قريب "
نورهان : " لو انتى متأكده خلاص لازم نروح ونشوف القصر "
شهاب : " ماشي "
خالد : "تمام "
أحمد : "اما نشوف هيطلع مسكون ولا كلام وخلاص !!"
ياسمين : "صدقنى هتشوف "
" كده يبقي اتفقنا بس نروح متأخر شوية عشان الامن مش بيدخل حد القصر من جوه . الساعة كام دلوقتى ؟؟ "
شروق : "الساعة دلوقتى 10 بليل احنا اتأخرنا جداااا و ماما عمالة تتصل بيا "
نورهان : "وانا كمان اخويا اتصل بيا كتيير جدااا "
ياسمين : "جرى ايه يا جماعة منا برضه البيت عندى عمالين يتصلوا خلاص يلا نروح"
أحمد : "ماشي نروح بس هو ايه النار اللي في شباك القصر دى !! "
شهاب : "نار ايه يابنى ؟!! "
خالد " اهى يابنى انا شايفها "
ياسمين : " نار ايه دلوقتى ؟!! احنا اللي اهالينا هيولعوا فينا اما نروح احنا لازم نمشي "
أحمد : "مش انتى قلتى عايزة تشوفى القصر !! "
ياسمين : "حبكت يعنى دلوقتى ؟؟ !! "
أحمد : "معلش نشوف بس فيه ايه ونمشي "
ياسمين : "طيب رأيكوا ايه ؟! "
الباقي : "طيب"
وعندما وصلوا القصر كان حارس القصر غير موجود وعندما بحثوا عنه وجدوه قد ذهب ليعد كوبا من الشاي بالقرب من حديقة القصر .
أحمد : "كويس انه مش قريب منا فرصة ندخل القصر , يلا بينا "
وعندما دخلوا القصر كان المكان مظلما بالطبع للغاية
ياسمين : " انا هفتح كشاف الموبايل اهو ينور شوية الضلمة دى بدل ما احنا مش شايفين كف ايدينا"
أضاء لهم الكشاف فرأوا في بهو القصر العديد من التماثيل الضخمة من الذهب والبلاتين و اللوحات الفنية الجميلة ل "مايكل انجلو " و "ليوناردو دافينشي "
ياسمين : " ايه ده انتوا شفتوا اللي أنا شفته ؟!!!!! "
أحمد : "فيه ايه يا ياسمين ؟! "
ياسمين : "التمثال ده عينيه بتنور وكان بيبصلي دلوقتى "
أحمد : "بقي التمثال كان بيبصلك اما تمثال قليل الأدب صحيح "
الباقي ضحكوا
ياسمين : " انا مش بهزر على فكرة " " المهم خلينا نقسم نفسنا على 3 فرق" :
1) شروق و شهاب : البدروم
2) نورهان وخالد : الدور الاول
3) أنا وأحمد : الدور التانى
نبدأ بالطابق السفلي :
نورهان : "تفتكر فعلا التمثال ده اتحرك وبص لياسمين ؟!! "
خالد : " مش عارف يمكن مش هى قالت انه مسكون "
" نشوف باقي الدور بقي لسه فيه حاجات كتير "
وبينما هم يسيرون سمعوا بالخلف صوت خطوات ثقيلة على الأرض فالتفتوا في ذعر :
نورهان : " ايه الصوت ده ؟!!! "
خالد : "مش عارف انا ايه اللي بيحصل !! ؟ ومن امتى التمثال ده كان قريب مننا كده ؟!! "
نورهان : "قصدك انه اتحرك !!!!"
خالد : "أكيد بيتهيألنا "
نورهان : "يمكن "
وأكملوا سيرهم الى ان وجدوا العديد من تماثيل الفرسان تلك تتحرك من أماكنها بسيوفهم الحادة و تلك الرؤوس المقطوعة المخيفة تبتسم ابتسامة شيطانية بعيون حمراء و تماثيل الكائنات الخرافية تصرخ بصرخات تصم الأذان لقد اصبح الموقف بالغ السوء ولكن دعنا الأن من الدور الأول فما يحدث في القبو اسوء ;
شروق : "احنا عمالين نتمشي مفيهوش حاجة البدروم ده شوية اوض بتاعت الخدم و مطابخ واضح انه قصر مسكون فعلا ضيعنا وقت على الفاضي "
شهاب : "بس احنا مشفناش الاسانسير الخشب ده "
شروق : "فعلا ؟!! طيب بجملة الوقت اللي ضيعناه نشوفه و نطلع الدور الاولانى نشوف وصلوا لايه "
شهاب : " ايه دى يا ليلة مش فايتة !! "
شروق : "فيه ايه يابنى ؟؟"
شهاب : "تعالى شوفى "
شروق : كتمت بداخلها صرخة و قالت بنفس متقطع من الذعر وصوت منخفض : "دى جثة بنت ايه اللى جابها هنا ؟! و ليه مرمية على وشها ف الأرض كده ؟؟!! "
شهاب : "معرفش يلا نهرب قبل ما نلاقي مصيبة تانية "
أخذوا يهرولون مسرعين الى أن وصلوا لباب القبو فوجدوا أمامهم تلك الجثة اللعينة ذات الشعر الأسود الطويل المنسدل على وجهها وتمد يداها الشاحبة نحوهما انها الموت بذاته يتقدم نحوهما بتؤدة و ببطء قاتل . ولكن ليس هذا هو الأخطر دعنا نرى ماذا هنالك في الطابق العلوى :
ياسمين : "انا قريت ان الدور اللي احنا فيه ده فيه 4 أوض "
أحمد : " اول اوضة اهى اما نفتح الباب ده معرفش معصلج ليه "
وتحرك الباب فجأة فاطأح بهما فوقعا على الأرض وخرجت تلك الوحوش السوداء من مكمنها المسماة ب "الخفافيش" و طارت في كل اتجاه هائمة على وجهها . اللعنة !!! ستلتصق بوجه كل منهما فأسرعا وفتحا الغرفة المجاورة واغلقاها بسرعة قبل ان تلحق بهما الخفافيش وجدا جدرانها ملطخة بالدماء القرمزية و نقوش لكائنات مخيفة و طلاسم عديدة ونجمة داوود مرسومة بالدماء اذن فهى الحجرة التى احدث فيها جماعة"عبدة الشيطان " جدلا رهيبا فى عام 1997 يالها من صدفة !!
أحمد : "أنا معايا نسخة من كتاب شمس المعارف فيها جزء من الطلاسم دى "
ياسمين : " بجد ؟!! طب هو معاك دلوقتى ؟ "
أحمد : "اه معايا " ثم فتح الكتاب فوجد ذلك الطلسم و كان ذلك جزء من المكتوب تحت الطلسم( من اجل استحضار الشيطان "بعلزبول" احد مردة الشياطين الكبار وله قدرات عظيمة تمنح القوة لمن يستحضره ولكنها قوة مؤذية للغاية اذا كنت لا تقدر عليه فاحذره فانه الموت القادم والخطر الداهم)
وصورته كانت : مسخ أحمر اللون ذو قرون طويلة و مخالب طويلة حمراء و عينان سوداوان
عندما قرأ أحمد الكلام بجوار ذلك الطلسم أخذت الأرض تهتز بشدة و الجدران تنضح دما و العديد من الظلال السوداء تخرج منها وتقف عند نجمة داوود تلك و يصرخون كالمعذبين حينما تقرأ التعاويذ التى يقولها عليهم ثم خرج ذلك الشيطان من بينهم و تلك الظلال المخيفة انحنت له ثم قال لهم : "من يجرؤ على استحضاري ولماذا فعلتم هذا ؟؟ "
نظرا له فى ذعر و أجابا : "نريد أن نعرف ماذا يحدث فى هذا القصر "
قال لهما : "عليكما أن تنفذا الشرط الذى بحدوثه سأمنحكما القوة و المعرفة " يُتبع...

شاهد| «مدّاح النبي».. إحدى مواهب عز الشباب

4:58 م 1 تعليق

إسلام عبد السميع هو واحد من مواهب أسرة عز الشباب، موهبة إسلام هي الغناء، وبالأخص في مدح الرسول صلى الله عليه وسلم
اسمعوه من هنا..



عز الشباب تطلق أولى مفاجأتها للعام الدراسي الجديد

11:26 ص اضف تعليق

بيان هام

إيمانًا منّا بدورنا اللازم والواجب علينا في مساعدة الطلاب، وتقديم لهم كافة الأنشطة المختلفة، وإيمانًا بفكرة عز الشباب منذ بدايتها وهي خدمة الطالب وتسهيل كافة الأمور الممكنة له.

وبعد تربع الأسرة على صدارة أسر كلية الأداب منذ تأسيسها، مما يُثبت عدم وجود خصوم للتنافس، تعلن أسرة عز الشباب عدم مشاركتها في أي من المهرجانات التي تقيمها سواء رعاية الشباب بالكلية أو حتى على مستوى الجامعة.


 وبذلك يقتصر دورها فقط على خدمة طلاب الكلية، وهو كان الهدف المرجو من تأسيس عز الشباب في البداية عام 2014، وليس السعي وراء ألقاب ولا مراكز.

تعرف على جامعة حلوان

7:42 ص اضف تعليق

حرصًا منّا على مساعدة الطلاب وخاصة الطلاب الجدد الذين لا يعرفون جامعة حلوان ويدخلوها لأول مرة، تقدم أسرة عز الشباب خريطة توضيحية لجامعة حلوان والأماكن الموجودة بداخلها.

شاهد| رئيس أسرة عز الشباب ينهي مشواره بالنشاط الطلابي

8:42 م 1 تعليق


أنهى الطالب «مصطفى تمساح»، رئيس اتحاد طلاب كلية الأداب ورئيس أسرة عز الشباب، نشاطه الطلابي وذلك بعد إنتهاء مشاركة أسرة عز الشباب في مهرجان الأسر الطلابية على مستوى جامعة حلوان.

حيث يشهد الجميع له بمجهود رائع ومسيرة حافلة بالنجاحات، ومساعدة الطلاب، وتقديم الأنشطة المختلفة لهم

شاهد الفيديو..